#Ancharakandy Dental College #Dr MK Ram #Thalassery Court #Dental College Student Death
തലശേരി: അഞ്ചരക്കണ്ടി ദന്തൽ കോളേജിലെ വിദ്യാർത്ഥി നിതിൻ രാജിന്റെ മരണവുമായി ബന്ധപ്പെട്ട കേസിൽ ഡോ. എം.കെ. റാമിനെ വീണ്ടും അറസ്റ്റ് ചെയ്യുന്നതിന് അനുമതി തേടിയുള്ള അപേക്ഷ തലശേരി എസ്സി, എസ്ടി പ്രത്യേക കോടതി ഇന്ന് പരിഗണിക്കും.
നേരത്തെ ഈ കേസിൽ ഡോ. റാമിനെ അന്വേഷണ സംഘം അറസ്റ്റ് ചെയ്തിരുന്നു. എന്നാൽ അറസ്റ്റിലെ നടപടിക്രമങ്ങളിൽ വീഴ്ച സംഭവിച്ചതിന്റെ പേരിൽ കോടതി അദ്ദേഹത്തെ വിട്ടയക്കുകയായിരുന്നു.
ഈ പശ്ചാത്തലത്തിൽ കേസിലെ അന്വേഷണം മുന്നോട്ട് കൊണ്ടുപോകുന്നതിന് ഡോ. റാമിനെ വീണ്ടും കസ്റ്റഡിയിലെടുക്കേണ്ടതുണ്ടെന്ന് ചൂണ്ടിക്കാട്ടിയാണ് അന്വേഷണ സംഘം പുതിയ അപേക്ഷ സമർപ്പിച്ചിരിക്കുന്നത്.
കോടതി അനുമതി നൽകുന്ന പക്ഷം ഉടൻ തന്നെ ഡോ. റാമിനെ വീണ്ടും അറസ്റ്റ് ചെയ്യാനാണ് അന്വേഷണ സംഘത്തിന്റെ നീക്കം. നിതിൻ രാജിന്റെ മരണത്തിൽ ദന്തൽ കോളേജ് അധികൃതരുടെ പങ്ക് സംബന്ധിച്ച അന്വേഷണം നിർണായക ഘട്ടത്തിലാണ്. കേസിലെ തുടർ നടപടികൾക്ക് കോടതിയുടെ ഇന്നത്തെ ഉത്തരവ് നിർണായകമാകും.
Content Highlight: Ancharakandy Dental College Nitin Raj Death Case: Court to Consider Re-arrest Plea of Dr MK Ram
#Ancharakandy Dental College #Dr MK Ram #Thalassery Court #Dental College Student Death
