തലശേരി: അശ്രദ്ധമായ ഡ്രൈവിംഗിനെ തുടർന്ന് സ്കൂട്ടർ യാത്രക്കാരന് പരിക്കേറ്റു. തലശേരി കൊടുവള്ളി സഹകരണ ആശുപത്രിക്ക് മുന്നിലാണ് കഴിഞ്ഞ ദിവസം അപകടം ഉണ്ടായത്.വലത്തോട്ട് പെട്ടെന്ന് വെട്ടിച്ച KL 58 R 6278 നമ്പർ കാർ, എതിർദിശയിൽ വരികയായിരുന്ന KL 13 AE 463 നമ്പർ സ്കൂട്ടറിൽ ഇടിക്കുകയായിരുന്നു. അപകടത്തിൽ സ്കൂട്ടർ യാത്രക്കാരനായ മുഴപ്പിലങ്ങാട് പാറപ്രം സ്വദേശി പി. പ്രകാശൻ ന് പരിക്കേറ്റു.
നിയന്ത്രണം നഷ്ടമായ സ്കൂട്ടർ റോഡിലേക്ക് തെറിച്ചുവീഴുകയായിരുന്നു. ഉടൻ തന്നെ നാട്ടുകാരും വഴിയാത്രക്കാരും ചേർന്ന് പ്രകാശനെ തൊട്ടടുത്തുള്ള കൊടുവള്ളി സഹകരണ ആശുപത്രിയിൽ പ്രവേശിപ്പിച്ചു. പ്രാഥമിക ചികിത്സ നൽകിയ ശേഷം കൂടുതൽ പരിശോധനകൾക്കായി അദ്ദേഹത്തെ നിരീക്ഷണത്തിലാക്കിയിട്ടുണ്ട്.
സംഭവത്തിൽ പരാതിയുടെ അടിസ്ഥാനത്തിൽ തലശേരി പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. വാഹനങ്ങൾക്ക് കേടുപാടുകൾ സംഭവിച്ചിട്ടുണ്ട്. റോഡിലെ തിരക്കേറിയ ഭാഗത്ത് വാഹനങ്ങൾ അശ്രദ്ധമായി ഓടിക്കുന്നത് വർധിക്കുന്നതിനെതിരെ ശക്തമായ നടപടിയെടുക്കണമെന്ന് നാട്ടുകാർ ആവശ്യപ്പെട്ടു. പോലീസ് രണ്ട് വാഹനങ്ങളുടെയും രേഖകൾ പരിശോധിച്ച് വരികയാണ്.
Content Highlight: Bike Rider Injured in Thalassery Road Accident | Car Collides with Scooter
