തലശേരി റെയിൽവേ സ്റ്റേഷനിൽ ഡോഗ് സ്ക്വാഡിന്റെ പരിശോധന

തലശേരി:  (www.thalasserynews.in)റെയിൽവേ പോലീസിന്റെ നേതൃത്വത്തിൽ നടന്ന പരിശോധനയിൽ സ്റ്റേഷന്റെ വിവിധ ഭാഗങ്ങളും പ്ലാറ്റ്‌ഫോമുകളും യാത്രക്കാരുടെ സാമഗ്രികളും വിശദമായി പരിശോധിച്ചു. സ്ഥിരം സുരക്ഷാ പരിശോധനയുടെ ഭാഗമായിട്ടായിരുന്നു ഡോഗ് സ്ക്വാഡിന്റെ പരിശോധന സംഘടിപ്പിച്ചത്.

യാത്രക്കാരുടെ സുരക്ഷ ഉറപ്പാക്കുന്നതിനും സംശയാസ്പദ സാഹചര്യങ്ങൾ ഒഴിവാക്കുന്നതിനുമായി പരിശോധന ശക്തമാക്കിയതായി റെയിൽവേ പോലീസ് അറിയിച്ചു. സ്റ്റേഷനിലെ പ്രവേശന കവാടങ്ങൾ, കാത്തിരിപ്പ് മുറികൾ, പാർസൽ വിഭാഗം, ട്രെയിനുകൾ എത്തിച്ചേരുന്ന പ്ലാറ്റ്‌ഫോമുകൾ തുടങ്ങിയ മേഖലകളിൽ പ്രത്യേക ശ്രദ്ധ നൽകി പരിശോധന നടത്തി.

ഡോഗ് സ്ക്വാഡിനൊപ്പം റെയിൽവേ പോലീസും ആർ.പി.എഫ് ഉദ്യോഗസ്ഥരും ചേർന്നാണ് പരിശോധന നടത്തിയത്. യാത്രക്കാരിൽ ബോധവൽക്കരണവും സുരക്ഷാ നിർദേശങ്ങളും ഉദ്യോഗസ്ഥർ നൽകി. ഉപേക്ഷിക്കപ്പെട്ട സാധനങ്ങളോ സംശയാസ്പദ വസ്തുക്കളോ ശ്രദ്ധയിൽപ്പെട്ടാൽ ഉടൻ പോലീസിനെ അറിയിക്കണമെന്നും അധികൃതർ അഭ്യർത്ഥിച്ചു.

അടുത്തിടെ വിവിധ റെയിൽവേ സ്റ്റേഷനുകളിൽ സുരക്ഷാ മുൻകരുതലുകൾ ശക്തമാക്കിയതിന്റെ ഭാഗമായാണ് തലശേരിയിലും പരിശോധന നടത്തിയത്.

Content Highlight: Dog squad inspects Thalassery railway station